آخرین مطالب
امکانات وب
ای ائدن جان عزیزین بیزلره قربان شهید
قانلی پیکر،قانلی حنجر،شاهیدون قرآن شهید
رهبرین عشقی سینونده،سن انالحق سئویلدون
ظالمین کاخین یئرینده ائیلدون ویران شهید
یاره لندون قانووی توکدون ساغالماز مرزیله
سانکی بیر سن تک تاپولماز ایرانا اوغلان شهید
بیر الونده توپراغیم ،بیر الده ناموس یوخلادون
قالموش انسا ندان ملائک غیرته حیران شهید
پاک اولان قانیله أوزدون سن یئتیشدون معراجا
جام وحدت باده سین نوش ایلین مستان شهید
دان بیر اولدوزلار گؤتورموش یوردومون آخشاملارین
پارلادون اسلام نورون سن جبهه ده اصلان شهید
شمعی تک یاندون گؤرونسون بو ایشیخلی حقی میز
پایدار اولدی ایشولن دونیادا ایمان شهید
آلقانین آخدیقجا،«نرگیس »لربیتر توپراغیدن
افتخار ائتمیش سنه بو یام یاشیل ایران شهید
شاعر : پری آخته(نرگس)
موضوعات مرتبط: شعربراى شهدا
برچسب‌ها: شعرترکی_شهید_شعرترکی برای شهید_دفاع مقدس آوای فراق...
برچسب : نویسنده : avayfaraga بازدید : 182