درباره سایت
آخرین مطالب
- افشای جزئیات سبک زیبا در فراق جوان
- جزئیات تازه از زمزمه ترکی فراق جوان ناکام
- شعرعبرت آموز در کانون توجه
- شعر ترکی برای شهدا در کانون توجه
- آنچه باید درباره سبک ترکی زبانحال مادران شهدا بدانید
- مادر شهید؛ روایت کامل
- پشت پرده شعر سالگرد پدر
- افشای جزئیات سبک ترکی در فراق پدر و مادر
- شعر در مقام مادر در کانون توجه
- ماجرای در فراق خواهر
امکانات وب
در 1 1 1
به سبک کاروان رفته منزل به منزل
ای گوزل صورتی ماه تابان
وی منه دهریده فخر دوران
سن نیه تئز بیزی باشدان آتدون
اولمادی دردیوه آلده درمان
اف اولا بیر بیله روزگاره
قلبیمیز اولدی بو غمده یاره ۲بار
********
آی کیمی سن نه تئز باتدون اوغلوم
دهریده کامه سن چاتدون اوغلوم
بو نجه رسمیدی بو جهاندا
باشدان ایندی بیزی آتدون اوغلوم
اف اولا بیر بیله روزگاره
قلبیمیز اولدی بو غمده یاره ۲بار
********
قوزانوب نالم عرش خدایه
یکسر ائللر گلوبدی نوایه
سن یاتوبسان بالا تپراق آتدا
گلدی تای توشلارون بو عزایه
اف اولا بیر بیله روزگاره
قلبیمیز اولدی بو غمده یاره ۲بار
********
آی کیمی سن نیه تئز باتوبسان
عالمی ایندی باشدان آتوبسان
دور قوناقلار گلوب باشین اوسته
قبریده سن نجه خوش یاتوبسان
اف اولا بیر بیله روزگاره
قلبیمیز اولدی بو غمده یاره ۲بار
*********
هیچ کسه یوخ جهانین وفاسی
منزلین گئتدی سنسیز صفاسی
داغدار اولدوم عالمده اوغلوم
ائللرون قوزانوبدی نواسی
اف اولا بیر بیله روزگاره
قلبیمیز اولدی بو غمده یاره ۲بار
*********
رسمیدی صولسا گول گولستاندا
ئولسه هر کس جوان بو جهاندا
آغلار اوندا آناسی ئورکدن
ائلده تای توشلاری طوی دوتاندا
اف اولا بیر بیله روزگاره
قلبیمیز اولدی بو غمده یاره ۲بار
*********
طوی بساطی گوروردوم سنه من
گوزدن آتدون بیزی تئز نیه سن
صولدون اوغلوم گولستاندا گول تک
آغلادوبدی منی درد و غصه ن
اف اولا بیر بیله روزگاره
قلبیمیز اولدی بو غمده یاره ۲بار
*********
هم ئوزوم هم بالام ای عزیزان
اکبر ام لیلایه قربان
قانه غلطان اولوبدی مناده
اولدی لیلا غمینده ئورک قان
اف اولا بیر بیله روزگاره
قلبیمیز اولدی بو غمده یاره ۲بار
**********
قانیله اولدی الوان مناده
تشنه جان ویردی کرب و بلاده
داغدار ایتدی اهل ولانی
خیمیه گلدی نعشی عباده
اف اولا بیر بیله روزگاره
قلبیمیز اولدی بو غمده یاره ۲بار
*********
حسنونه چاتمازیدی اونون آی
ام لیلایه ویرمیشدی حق پای
شبه پیغمبر آدلامشیدی
گلمدی بیرده دای اکبره تای
اف اولا بیر بیله روزگاره
قلبیمیز اولدی بو غمده یاره ۲بار
*********
شمع تک یاندی غمده آناسی
عرشه قوزاندی لیلا نواسی
دست کینه ائدوبدی جنایت
باشلانوب زینبین ماجراسی
اف اولا بیر بیله روزگاره
قلبیمیز اولدی بو غمده یاره ۲بار
**********
عرض قیلام من ای ماه تابان
دردیمیز واردی قیل درده درمان
(مهدیم)چوخدی جرم و گناهی
روز محشر آقا ایله احسان
اف اولا بیر بیله روزگاره
قلبیمیز اولدی بو غمده یاره ۲بار
شاعر : مهدی ملکی
موضوعات مرتبط: سبک های مجالس ترحیم ، شعرفراق فرزندفارسی و1
برچسب:
نویسنده: سام حسینیپور